2018-ci il mayın 22-də Xəzər Universitetində Təhsil fakültəsinin tələbələri ilə Azərbaycan dili və ədəbiyyatı departamenti Azərbaycan Xalq Cümhuriyyətinin yaradılmasının 100 illiyi münasibətilə “Cümhuriyyət dövrü Azərbaycan ədəbiyyatı” mövzusunda dərs – ithaf keçirdi. Azərbaycan dili və ədəbiyyatı departamentinin dosenti Dilbər Zeynalova dərsin əsas məqsədinin Cümhuriyyət məfkurəsinin formalaşmasında ədəbiyyatın böyük əhəmiyyət kəsb etdiyini gənc nəslin nəzərinə çatdırmaq olduğunu vurğuladı. O, qeyd etdi ki, cümhuriyyət illərində M.Ə.Rəzulzadənin, Ə.Hüseynzadənin, Ə.Ağaoğlunun, Ü.Hacıbəylinin, Ə.Cavadın, C.Cabbarlının və b. ciddi yaradıcılığı sayəsində ədəbiyyat sadəcə əyləncə deyil, bütün böyük dəyişikliklərin təməlində duran vasitəyə çevrildi. Tələbələr M.Ə.Rəsulzadənin “Mayıs duyğuları”, Ə.Hüseynazədnin “Hali-vətən” Ə.Cavadın “Mayıs”, C.Cabbarlının “Azərbaycan bayrağına”, A.İldırımın “Azərbaycan” və s. şeirlərini səsləndirdilər. Dərs tələbələrin ifasında “Çırpınırdı, Qara dəniz” manhı-marşı ilə sona çatdı.