2018-ci il mayın 21-dən 23-dək Bakı Dövlət Universitetində Qafqaz Müsəlmanları İdarəsi ilə birgə təşkil olunmuş “Azərbaycan Xalq Cümhuriyyəti–100: Müsəlman Şərqində ilk parlamentli respublika” adlı Beynəlxalq elmi konfrans keçirildi. ABŞ, Türkiyə, Qazaxıstan, Özbəkistan, Rusiya, Gürcüstan, Moldova, Küveyt, Polşa və digər ölkələrdən 70-dək elm adamının qatıldığı konfransın açılış mərasimində xarici ölkələrin tanınmış alimləri ilə yanaşı, Azərbaycanın elm və təhsil ictimaiyyətinin nümayəndələri, Milli Məclisin deputatları, dövlət və hökumət rəsmiləri iştirak edirdilər. Konfransda Xəzər Universitetini universitetin Dillər və mədəniyyətlər departamentinin koordinatoru f.ü.f.d. dosent Zivər Hüseynli-Baylan təmsil edirdi. O, “Azərbaycan Xalq Cümhuriyyəti mətbuatında ermənilərin törədikləri soyqırımların işıqlandırılması” mövzusu ilə çıxış etdi.

Konfransın sonunda hər bir məruzəçiyə iştirak sertifikatı və tezislər kitabı təqdim edildi.