THE SAME komandasının təşəbbüsü ilə Xəzər Universitetinin tələbələri sosial şəbəkələrdə irqçi onlayn nifrət mesajlarına qarşı öz cavablarını bildirdilər. Belə ki, onlayn nifrət nitqini əks etdirən real mesaja tələbələr öz cavablarını qeyd etdilər, mesajlarında insanları dostluğa və bərabərliyə çağırdılar. Belə nifrət nitqlərinin yaranmaması üçün Xəzər Universitetinin İqtisadiyyat və menecment fakültəsinin tələbələrindən ibarət THE SAME komandası daim nifrət mesajlarına qarşı və onların azalması yönümündə müxtəlif tədbirlər həyata keçirirlər.

Azərbaycanda son vaxtlar turistlərin sayı artmaqda davam edir. Mədəniyyətlərarası fərqliliklər, eləcə də, müxtəlif irqə sahib olan insanların artması isə yerli əhalinin bir qismini narahat etməyə başlayır, onlara qarşı yerli insanlar arasında kin, əsəb hətta nifrət yaranır və insanlar bu cür düşüncələrini sosial şəbəkələr vasitəsilə paylaşırlar. Bu isə irqçiliyə yönələn onlayn nifrət mesajlarının göstərici faizini daha da artırır.

THE SAME komandasının məqsədi isə irqçiliyin azalması üçün insanları bütün insanların eyni olduğuna inandırmaq və irqçiliyə qarşı səssiz qalmamaq, eləcə də, sosial şəbəkələrdə onlayn nifrət nitqinin azalmasına yönəlik işlər görməkdir.

THE SAME komandası Edventure Partners (EVP) şirkətinin idarəçiliyi ilə Peer to Peer: Facebook Global Rəqəmsal Çağırış (P2P) müsabiqəsi əsasında yaradılmışdır. Müsabiqədə 50-dən artıq ölkəni təmsil edən komandalar var. Ölkəmizi isə yarışda yalnız THE SAME komandası təmsil edir. Onlayn nifrət mesajlarının çoxaldığı bu dövrdə Facebook bu yarışa sponsorluq edərək, gənclərə nifrət mesajlarına qarşı kampaniya yaratmaları üçün dəstək verir.

Daha geniş məlumatı bu linklər vasitəsilə əldə etmək olar:

https://www.facebook.com/thesame.aze/;

https://www.instagram.com/thesame.aze/.