2018-ci il mayın 17-də Xəzər Universiteti Tarix və Arxeologiya departamentinin müəllimi Zəhra İslamovanın Mühəndislik və Tətbiqi elmlər fakültəsinin tələbələrinə tədris etdiyi “Azərbaycan tarixi” dərsinə qonaq olaraq kino və televiziya rejissoru, kinodramaturq, beynəlxalq və ümumittifaq kinofestivallarının laureatı Nazim Rza gəlmişdi. Tarix və arxeologiya departamentinin müdiri Roza Arazova tələbələrə Nazim Rzanı təqdim etdikdən sonra dərs tələbələrdən Ayan Ağakişizadə və Mətin Alməmmədlinin Nazim Rza haqqında hazırladıqları çıxışları ilə başlandı. Daha sonra isə söz Nazim Rzaya verildi. Nazim Rza tələblərə maraqlı və dəyərli məlumatlar verdi. Onlara neftimizin tarixindən, yazdığı kitablardan və filmlərindən bəhs etdi. Maraqla dinlədikdən sonra tələbələr öz suallarını Nazim Rzaya verdilər.

Sonda isə Nazim Rza “Odlu məmləkət” kitabını tələbələrə hədiyyə etdi.