2018-ci il mayın 16-da Vision Academy-də Xəzər Universitetinin İqtisadiyyat ve menecement departamentinin koordonatoru Dr. Bahadır Baysal və “THE SAME” komandasının təşkilatçılığı ilə Xəzər Universitetinin Psixologiya departamentinin koordinatoru və Xəzər Psixoloji Xidmət Mərkəzinin Direktoru Mələk Kərimovanın təqdimatında “İrqçilik və ayrı-seçkiliyin psixologiyası” seminarı baş tutdu.

Seminarda: 1) İnsanlarda ayrı-seçkilik psixologiyası nədən yaranır? 2) Vahid bir məqsədə çatmaq üçün başqalarına qarşı ayrı-seçkilik etmək ehtiyacı nədən yaranır? 3) İnsanların öz irqlərini digərlərindən üstün bilməsi və öz irqinin daha yaxşı məqamlarda olması istəyi nədən yaranır? 4) İrqçilik və özünü təsdiq arasında əlaqə varmı? 5) İnsanların öz aqressiyalarını onlayn nifrət mesajları ilə bildirməsinin səbəbləri mövzuları müzakirə olundu.

Sonda bütün iştirakçılara sertifikat verildi.