2018-ci il mayın 14-də Xəzər Universiteti Təhsil fakültəsi tələbələri ilə Tarix və arxeologiya departamentinin müəllimi t.ü.f.d. Səbuhi Əhmədov tərəfindən aparılan “Azərbaycan tarixi” dərsində Azərbaycan Xalq Cümhuriyyətinin yaradılmasının Azərbaycan xalqının taleyi üçün əhəmiyyəti, onun Azərbaycan tarixində oynadığı rol, nailiyyətləri, buraxılan səhvlər haqqında ətraflı məlumat verildi. Qrupun tələbələri Azərbaycan Xalq Cümhuriyyəti tarixinin ən vacib səhifələri ilə bağlı təqdimatlar hazırlanmışdılar. Tələbə Fatimə Abbaszadə “Azərbaycan Cümhuriyyəti dövründə Azərbaycan dili məsələsi”, Şəhla Quliyeva “Məhəmməd Əmin Rəsulzadə”, Fərqanə Ələsgərli “İstiqlal Bəyanaməsi və AXC-nın yaranması”, Nərgiz Nəsirova “AXC dövründə milli-mədəni quruculuq”, Zöhrə Xəlilova “Fətəli xan Xoyski”, Qumru İbrahimli “AXC-nın süqutu və aprel istilası”, İlahə Həsənzadə “AXC-nın 3-cü hökumət kabineti”, Xanım Dadaşova “Məhəmməd Əmin Rəsulzadə”, Zəhra Ələsgərova “Əlimərdan bəy Topçubaşov” adlı mövzularla çıxış etdilər. Çıxışların hər biri müvafiq slaydların nümayişi ilə müşayiət olunurdu. Həmçinin, tələbə Nigar Şükürova “Qazax müəllimlər seminariyası”, Nobatxanım Rüstəmova “AXC-nın Parlamenti”, Züleyxa Aslanova “Xalq Cümhuriyyəti dövründə ordu qurulucuğu” mövzularında referatlar hazırlamışdılar.