2018-ci il mayın 4-də THE SAME komandasının və Beynəlxalq AvrAsiya Mətbuat Fondunun təşəbbüsü ilə “İrqçilik və iqtisadi inkişaf” mövzusunda Xəzər Universitetinin və müxtəlif universitetlərin gəncləri arasında interaktiv seminar keçirildi.

İlk olaraq BAMF-ın prezidenti Umud Mirzəyev mövzunun aktuallığından və THE SAME komandasının üzərinə götürdüyü missiyanın vacibliyindən danışdı. Daha sonra THE SAME komandasının üzvü Taliyə Hüseynzadə auditoriyanı “Peer to Peer: Facebook Qlobal Rəqəmsal Çağırış” müsabiqəsi ilə tanış etdi. Sonra isə THE SAME komandasının üzvü Etibar Saatov iştirakçılara mövzu baradə geniş məlumat verərək, onlara iki mövzuda qrup işi təqdim etdi:

1) “Zəif inkişaf etmiş ölkələrdə ayrıseçkiliyin səbəbləri və həlli yolları”;

2) “İnkişaf etmiş ölkələrdə irqçiliyin səbəbləri”.

Qrup işi seminarın interaktiv keçməsinə və iştirakçıların fikir mübadiləsi aparmasına kömək oldu. Sonra tədbirin əyləncəli və yadda qalan keçməsi üçün THE SAME komandasının üzvü Xəyalə Şıxəliyeva oyunun qaydalarını izah etdi. Sonda Dr. Bahadır Baysal iştirakçılara uğur arzu edərək, onlara belə seminarların gələcək iş həyatlarında necə önəmli olduğunu haqda danışdı.

Tədbirin sonlarında Aleksandr Tusukanov adlı məhşur Volqoqrad yazıçısı tədbirə qoşularaq, mövzunun vacibliyini auditoriyaya çatdırdı və auditoryanı yeni maraqlı fikir barəsində düşünməyə çağırdı.

Sonda xatirə şəkli çəkilərək, hər bir iştirakçıya sertifikatlar paylandı.

Bu linklər vasitəsilə daha ətraflı məlumat əldə etmək olar:

http://eurasiadiary.com/az/news/society/278162-bamf-in-ofisinde-irqcilik-ve-iqtisadi-inkisaf-movzusunda-seminar-kecirilib;

http://eurasiadiary.com/en/news/society/278107-workshop-on-racism-and-economic-development-held-in-the-iepf-office.