Xəbər verildiyi kimi, 2018-ci il mayın 3-dən 5-nə kimi Türkiyə Cümhuriyyətinin 26-cı Baş Qərərgah rəisi (Genelkurmay Başqanı) orgeneral İlker Başbuğ Xəzər Universitetinin qonağı olmuşdur. Bəzi mətbu orqanlar cənab İlker Başbuğla görüşmək istəsələr də, bu cəhdlər baş tutmamışdır. Həmin mətbu orqanlar bunun səbəbi kimi Xəzər Universitetini günahlandırmışdılar.
Cənab İlker Başbuğun vəkili, İstanbul Barosunun, Türk Cəza Hüququ Dərnəyinin üzvü vəkil İlkay Sezer mətbuatda çıxan əsassız xəbərlərə öz Twitter hesabı vasitəsilə cavab vermişdir: “Xəzər Universitetinin dəvətilə Azərbaycana gedən cənab İlker Başbuğ universitetde iki konferans verdi. Ziyarət konferans məqsədi daşıdığına görə, bizim tərəfimizdən mətbuat konfransı düşünülməmişdir. Xəzər Universiteti və cənab Hamlet İsaxanlıya dəvətləri və diqqətləri üçün təşəkkür edirik”.
Bu link vasitəsilə daha ətraflı məlumat almaq olar:
https://twitter.com/ilkaysezerav/status/993570183972352000?s=12.