2018-ci il mayın 5-də Bakı Atatürk liseyində görkəmli ədib, tarix tədqiqatçısı Teyyub Qurbanın vəfatından sonra çapdan çıxmış, Azərbaycan Xalq Cümhuriyyətinin 100 illiyinə həsr olunan “Yüz tələbə, yüz tale” kitabının təqdimatı keçirilmiş, müəllifin xatirəsi yad edilmişdir.

Tədbiri liseyin tarix müəllimi, kitabın çapının təçəbbüskarı və ön sözün müəllifi Elmar Həsənli açaraq, kitabın çapa hazırlanması prosesində Teyyub Qurbanla görüşlərindən danışmış, kitabın çapa hazırlandığı “Şur” nəşriyyatının rəhbərliyinə və əməkdaşlarına minnətdarlığını bildirmişdir.

Kinorejissor Nazim Rza, tarixçi alim Firdovsiyyə Əhmədova, “Şur” nəşriyyatının direktoru Musa Ələkbərli, kitabın redaktoru Qərənfil Dünyaminqızı, “Xəzər Xəbər” jurnalının baş redaktor müavini, əməkdar jurnalist Əlirza Balayev və digərləri öz çıxışlarında Teyyub Qurbanın 30 il ərzində Azərbaycan Xalq Cümhuriyyətinin banisi Məhəmməd Əmin Rəsulzadəyə həsr olunan və cümhuriyyət mövzusuna aid əsərlər uzərində böyük ilham və fədakarlıqla çalışaraq bütün ədəbi yanrlarda – poeziya, proza, dramaturgiya və publisistika janrlarında məşhur əsərlər yaratmasından bəhs etmişlər.

Sonda ədibin oğlu Asəf Qurbanov tərəfindən kitabın imzalanma mərasimi keçirilmişdir.