2018-ci ilin aprelin 27-i Misirin Ain Şəms Universitetinin Ətraf Mühit elmləri və Tədqiqatı İnstitutunun dekanı professor Heşam İbrahim İbrahim El-Kassas Xəzər Universitetinin “Neftçilər” kampusunda “Ətraf mühitin yaşıl təmizlənməsi” mövzusunda mühazirə ilə çıxış etdi. Mühazirə Misir Ərəb Respublikasının Bakıdakı səfirliyinin nəzdində olan Misir Mədəniyyət Mərkəzinin direktoru, həmçinin, səfirliyin Mədəniyyət işləri üzrə attaşesi Mr. Ahmed Sami Elaydinin təşəbbüsü ilə təşkil olunmuşdu.

Mühazirədə Xəzər Universitetinin yerli və xarici tələbələri, doktorantura tədqiqatçıları, həmçinin, akademik və administrativ heyəti iştirak edirdilər. Mühazirənin ardınca, universitetin təsisçisi və Direktorlar və Qəyyumlar Şurasının sədri professor Hamlet İsaxanlı ilə görüş keçirildi.

Professor Heşam İbrahim İbrahim El-Kassas, həmçinin, 2018-ci il iyunun 1-i və 2-də Xəzər Universitetində keçiriləcək 1-ci Beynəlxalq Tək Sağlamlıq Konfransında iştirak etmək üçün dəvət olundu.