2018-ci il aprelin 26-da Xəzər Universiteti Humanitar və sosial elmlər fakültəsinin dekan müavini Validə Kərimova (doktorant) “N.Çomskinin dilçilik araşdırmalarının mahiyyəti” adlı elmi məqaləsi ilə Bakı Slavyan Universitetində təşkil edilmiş, Azərbaycan Xalq Cümhuriyyətinin yaranmasının 100 illiyinə həsr olunmuş Respublika Elmi-Praktik Konfransında məruzə ilə çıxış etdi. Məruzəsində apardığı tədqiqat işi (“N.Çomskinin sintaktik təlimində cümlənin alt və üst qat anlayışı”), onun mahiyyəti, elmi yeniliyi, Azərbaycan dilçiliyində N.Çomskinin rolu, N.Çomskinin dilçilik görüşləri və s. haqqında iştirakçılara ətraflı məlumat verdi. Konfransda fakültənin 4-cü il Beynəlxalq münasibətlər ixtisası üzrə təhsil alan tələbəsi Sabrina Ramazanova da “Depressiya və suisid” adlı məruzəsi ilə çıxış etdi. O, məruzəsində depressiya suisidlə necə nəticələnir, əsasən hansı yaşlarda daha çox rastlanır, səbəbləri və qurtuluş yolları haqqında geniş məlumat verdi.

Sonda iştirakçılar məqalələr çap edilmiş toplu və sertifikatla təltif edildilər.