2018-ci il aprelin 25-də Xəzər Universitetinin Tarix və arxeologiya departamentinin müəllimi Dr. Telman Quliyev Türkiyənin Ülke TV televizya kanalının “Odak noktası” proqramının canlı yayın qonağı oldu. T.Quliyev proqramda Azərbaycan torpaqlarında erməni dövlətinin yaradılması prosesindən, 1828-ci il “Türkmənçay” müqaviləsi sonrasında ermənilərin kütləvi şəkildə İran və Osmanlı ərazilərindən gətirilərək, İrəvan xanlığı torpaqlarına yerləşdirilməsindən və daha sonra da o torpaqların əsl sahibi olan Müsəlman-Türk əhalinin mərhələli şəkildə ordan köç etməyə məcbur edilməsindən söz açdı. Dr. Telman Nüsrətoğlu, eyni zamanda, erməni terror təşkilatlarının 1905-1907-ci, 1918-ci illərdə Azərbaycanın fərqli bölgələrində mülki əhaliyə qarşı törətdiyi qətliamlar haqqında da televiziya tamaşaçılarına məlumat verdi.