2018-ci il aprelin 22-də Xəzər Universitetini “P2P: Facebook Global Digital Challenge” müsabiqəsində təmsil edən “THE SAME” komandasının təşəbbüsü ilə “Friendship Match” adı altında futbol yarışı keçirildi. Oyunda müxtəlif xalqlara mənsub 12 gənc öz dostluq və birliklərini nümayiş etdirdilər.

Bildiyimiz kimi, futbol, sadəcə, oyun deyil, həm də xalqlar arasında sülh və dostluq rəmzidir. Bu oyun vasitəsilə ayrı-ayrı xalqların və irqlərin fərqliliyinin olmadığı, hər kəsin bərabər olduğu nümayiş olunur. Buna görə də, irqçiliyin aradan qaldırılmasına çalışan THE SAME komandası nümunəvi addım atraq fərqli irqlərin təmsilçilərini bir araya gətirdi, tolerant mühit yaratdı. Oyunda Əfqanıstan, Cənubi Koreya, Efiopiya, Qambiya və Azərbaycandan olan həvəskar futbolçular iştirak edirdilər: Aman Nazari; Dawda Ndure; Fuad İsmayılov; Jaehyun Chung; Jin Pyeong Kim; Kim Seongjeong; Moha Akhondzadeh; Murtaza Azali; Nihad Mehdiyev; Rob Haile; Toğrul Tağızadə; Waheed Muhammad. Oyunun nəticəsi 5:6 olsa da, sonda qalib gələn birlik, bərabərlik və dostluq oldu.

Qeyd edək ki, THE SAME komandası Xəzər Universitetinin İqtisadiyyat və menecment fakültəsinin tələbələrindən təşkil edilmişdir və layihəyə “Edventure Partners (EVP)” şirkəti idarəçilik edir. Müsabiqə “P2P: Facebook Global Digital Challenge” adı ilə təşkil olunmuş beynəlxalq universitetlər arası yarışdır. Müsabiqədə 50-dən artıq ölkədən təmsilçilər var, ölkəmizi isə yarışda yalnız THE SAME komandası təmsil edir.

Bu haqda daha geniş məlumatı bu linklər vasitəsilə əldə etmək olar:

https://www.facebook.com/thesame.aze/;

https://www.instagram.com/thesame.aze/.