2018-ci il aprelin 22-də Belçikanın Antwerp şəhərində Belçika Türk Mədəniyət Mərkəzi, UKİD və Azərbaycanın Gəncliyə Yardım Fondunun birgə təşkilatçılığı ilə Türkiyə və Azərbaycandan olan elm adamları, içtimai-siyasi xadimlərin iştirakı ilə “Türkiyə-Azərbaycan əlaqələri və Ermənistan problemi” mövzusunda beynəlxalq konfrans keçirildi. Xəzər Universiteti Tarix və arxeologiya departamentinin müəllimi Dr. Telman Quliyevin “XIX əsrin sonu XX əsrin əvvəllərində erməni terror təşkilatlarının Azərbaycan və Şərqi Anadoluda həyata keçirdiyi qətliamlar” mövzusunda məruzəsi dinlənildi. O, xüsusilə, rus və Osmanlı arxiv sənədləri əsasında 1890-cı ildən etibarən “Armenakan”, “Xıncaq” və “Daşnaqsütün”un Azərbaycan və Anadolu coğrafiyasında həyata keçirdiyi müsəlman-türk qətliamları haqqında geniş məlumat verərək, imperialist dövlətlərin Osmanlı və Azərbaycan siyasətində erməni təşkilatlarından öz siyasi maraqları üçün necə istifadə etdiklərini izah etdi.