2018-ci il aprelin 16-dan 18-dək Türkiyə Cümhuriyyətinin Qars şəhərində yerləşən Kafkas Universitetində Qafqaz Universitetləri Elm və Mədəniyyət Festivalı (“Kafkasya Üniversitetleri Bilim ve Kültür Şöleni”) keçirildi. Festivalda Azərbaycan, Gürcüstan, Özbəkistan, Dağıstan universitetlərinin nümayəndələri iştirak edirdilər. Xəzər Universitetini Azərbaycan dili və ədəbiyyatı departamentinin müdiri dosent Vurğun Əyyub təmsil edərək, Xəzər Universitetinin Təsisçisi, Direktorlar və Qəyyumlar Şurasının sədri professor Hamlet İsaxanlının təbrik məktubunu festival iştirakçılarına çatdırdı, universitetlər arasında əlaqələrin genişləndirilməsi istiqamətində təkliflərlə çıxış etdi.

Festivalın sonunda Kafkas Universiteti ilə Xəzər Universiteti arasında əməkdaşlıq müqavilələri imzalandı.