2018-ci il aprelin 11-də Türkiyənin İstanbul şəhərində 21-ci Avrasiya İqtisadi Zirvəsi öz işinə başladı. Zirvə toplantısında hər il olduğu kimi, bu il də dünyanın 40 ölkəsindən 915 nümayəndə iştirak edirdi. Zirvə toplantısında Xəzər Universiteti adından İctimai əlaqələr və media üzrə direktor Əlövsət Əmirbəyli iştirak edirdi. Toplantının 1-ci günü Nobel Mükafatı Laureatı Aziz Sancarın Zirvə toplantısı iştirakçılarına ünvanlanmış məktubu oxundu. Bosniya və Hersoqovinanın sabiq Prezidenti Mavimo Gavara, Baş nazir Mladen İvaniç və Makedoniya Prezidenti Gjorge İvanov, Türkiyə Baş nazirinin müavini Mehmet Şimşek iştirakçıları salamladılar. Sonrakı oturumlarda Marmara Vakfinin başqanı Akkan Suver, Makedoniyanın Dövlət naziri Adnan Kamil, Avstriyanın Müdafiə naziri Werner Fasslabend, Türkmənistanın Maliyyə naziri Merdan Bayramdurdiyev, Rusiya Baş nazirinin sabiq müavini Gennadi Burbulis çıxış etdilər. Kosova, Bolqarıstan, Türkiyə, ŞKTC, Makedoniya, Bosniya və Hersoqovina və Monteneqrodan olan bələdiyyə başqanları idarə etdikləri bələdiyyələrin yeni iş sistemləri haqqında məruzə ilə çıxış etdilər. Zirvə toplantısının ikinci günü Əlövsət Əmirbəyli katibliyə seçildi.
Toplantının ikinci günü Türkiyə Cümhuriyyətinin Baş naziri Binəli Yıldırım Suriyada və dünyada yaranmış təhlükəli vəziyyətlə bağlı məruzə ilə çıxış etdi. Məruzə ətrafında İstanbul Patriarxı Archbishop Bartholomew və digər dini liderlər çıxış etdilər. Günün ikinci yarısında Türkiyə Cümhuriyyətinin sabiq Prezidenti Abdulla Gül, Bosniya və Hersoqovinanın sabiq Prezidenti Marinka Gavara, Xorvatiyanın sabiq prezidentləri İvo Josipoviç, Stjepan Mesic, ŞKTC-nin Prezidenti Mustafa Akıncı, Latviyanın sabiq Prezidenti Valdis Zatlers, Makedoniyanın Prezidenti Gjorge İvanov, Moldovanın sabiq Prezidenti Petru Luçinski, Ruminiyanın sabiq Prezidenti Emil Constantinescu dünyada baş verən son hadisələrlə bağlı maraqlı məruzə ilə çıxış etdilər. Sonda Zirvə toplantısının iştirakçıları adından dünya dövlətlərinin rəhbərlərinə müraciət qəbul olundu.
Xəzər Universitetinin İctimai əlaqələr və media üzrə direktoru Əlövsət Əmirbəyli Zirvə toplantısında iştirak edən Türkiyə Cümhuriyyətinin sabiq Prezidenti Abdulla Gül, KKTC-nin Prezidenti Mustafa Akıncı, Moldovanın sabiq Prezidenti Petru Luçinski, Rusiyanın Baş nazirinin sabiq müavini Gennadı Burbulus, Nobel Mükafatı Laureatı Aziz Sancar və digər rəsmi şəxslərlə görüşdü və onlara Xəzər Universiteti haqqında məlumat verdi.
Xatirə şəkilləri çəkildi.