2018-ci ilin martın 15-də Xəzər Universiteti Tarix və arxeologiya departamentinin müəllimi tarix üzrə fəlsəfə doktoru Ziyad Əmrahovun oxuculara təqdim olunan “Azərbaycan Parlamentarizmi tarixi – 100” adlı tədqiqat əsəri Azərbaycan Xalq Cümhuriyyəti Parlametinin yaradılmasının 100 illik yubileyinə həsr olunmuşdur.

Kitabda tarixi Azərbaycan ərazilərinin Qacarlar və Çar Rusiyası arasında ikiyə parçalanmasından sonra Azərbaycan aydınlarının müstəqillik uğrunda mübarizə mərhələləri, 1917-ci ildə Çar Rusiyasının dağılmasından sonra Azərbaycanda ilk respublika quruluşunun, Xalq Cümhuriyyətinin yaradılması və Azərbaycan Xalq Cümhuriyyətinin Parlamentinin çıxardığı qanun və qərarlar, eləcə də, 1920-ci il aprelin 28-də Azərbaycan Xalq Cümhuriyyətinin işğalından sonra Azərbaycan SSR qanunvercilik orqanının formal müstəqilliyi, Azərbaycan Parlamentarizmi tarixində Müvəqqəti İnqilab Komitəsi, Ümumazərbaycan Sovetlər qurultayları, Mərkəzi İcraiyyə Komitəsi, Azərbaycan SSR Ali Sovetinin fəaliyyəti, çıxardığı qanun və qərarlar arxiv sənədləri, dövri mətbuat və tarixi ədəbiyyat əsasında tədqiq edilmişdir.

Tədqiqat əsəri Azərbaycan tarixi, beynəlxalq münasibətlər tarixi ilə məşğul olan mütəxəssislər, eləcə də geniş oxucu dairəsi üçün nəzərdə tutulmuşdur.