2018-ci il aprelin 13-də Xəzər Universiteti Elmi Şurasının növbəti iclası keçirildi. Universitetin rektoru Hassan Niknafsın sədrliyi ilə keçən iclasda Humanitar və sosial elmlər fakültəsinin dekanı Cabir Xəlilov, İqtisadiyyat və menecment fakültəsinin dekanı Ceyhun Məmmədov, Təhsil fakültəsinin dekanı Elza Səmədova, Mühəndislik və tətbiqi elmlər fakültəsinin dekan müavini Vəfa Aslanova məzunlar haqqında məlumatı təqdim etdilər.

Magistratura, doktorantura və elmi işlər bölməsinin müdiri Eldar Şahgəldiyev doktorant və dissertantların dissertasiya mövzusu, elmi rəhbərlərinin təsdiqi və ixtisaslarının dəyişdirilməsi haqqında məlumat verdi.

Elmi işlər üzrə prorektor İradə Xəlilovanın dərs vəsaitlərinin və fənn proqramlarının çapa təqdim olunması, elmi adların verilməsi haqqında məlumatı dinlənildi.

Müzakirə olunan məsələlər haqqında müvafiq qərarlar qəbul edildi.

İclasda cari məsələlər haqqında da fikir mübadiləsi aparıldı.