2018-ci il aprelin 6-da Xəzər Universiteti aparıcı yerli orta məktəblərdən biri olan 23 saylı məktəbdə təqdimat keçirdi. Təqdimatın əsas məqsədi Xəzər Universiteti, onun təklif etdiyi ixtisas və proqramlar barədə məktəbin müəllimlərinə və şagirdlərinə məlumat vermək idi. Təqdimatda beş nəfərdən ibarət komanda iştirak edirdi: İqtisadiyyat və menecment fakültəsinin professoru Fuad Rəsulov, Karyera Mərkəzinin meneceri Səbinə Allahverənova, HR koordinatoru Ozal Məmmədli, Beynəlxalq Əlaqələr Şöbəsinin direktoru Turan Cəfərova və hazırda Xəzər Universitetində beynəlxalq münasibətlər və diplomatiya üzrə bakalavr dərəcəsi alan Zimbabveli xarici tələbə Tendai Samantha Shereni.

Təqdimatı Turan Cəfərova keçirdi və Xəzər Universiteti haqqında ümumi məlumat verdi. Professor Fuad Rəsulov orta məktəb şagirdlərinin nəyə görə Xəzər Universitetinin bakalavr səviyyəsində təhsilini davam etdirmələrinin səbəbləri barədə danışdı. Turan Cəfərova universitetin beynəlxalq strategiyası, universitetin iştirak etdiyi tələbə mübadilə proqramları, ikili diplom proqramı və digər proqramlar barədə danışmaq üçün yenidən səhnəyə çıxdı. Zimbabveli xarici tələbə Tendai Samantha Shereni təhsillə bağlı öz təcrübəsini paylaşaraq, onlara nə üçün Azərbaycana gəlmək qərarına gəldiyini və niyə Xəzər Universitetini seçdiyi barədə danışdı, şagirdləri gələcək təhsillərini Xəzər Universitetində davam etdirməyə çağırdı.

Təqdimat sual-cavab hissəsi ilə başa çatdı. Xəzər Universitetinin təqdimat materialları ali məktəb tələbələri üçün təqdim edildi.