Martın 29-dan aprelin 6-dək Xəzər Universitetində Avrasiya Hasilat Sənayesi Bilik Mərkəzinin növbəti təlimi keçirilmişdir. Təlim “Təbii sərvətlərin davamlı inkişafa transformasiyası” mövzusuna həsr olunmuşdu. Təlimdə Avrasiya regionunun 6 ölkəsindən – Qazaxıstan, Qırğızıstan, Tacikistan, Monqolustan, Ukrayna və Azərbaycandan 30 nəfər iştirak edirdi. İştirakçılar hökumət, vətəndaş cəmiyyəti, media və özəl sektorun təmsilçiləri idi.

Təlimi ABŞ-ın tanınmış eksperti Patrick Heller və Avrasiya Bilik Mərkəzinin mütəxəssisləri aparmışlar.

Aprelin 2- də təlim çərçivəsində Avrasiya Bilik Mərkəzi Açıq Büdcə Sorğusunun 2017-ci il nəticələrinə həsr olunmuş forum təşkil etmişdir. Dövlət strukturları, vətəndaş cəmiyyəti və beynəlxalq təşkilatların nümayəndələri ilə birgə təlim iştirakçiları da foruma qatılmışdılar.

Forumda Avrasiya Bilik Mərkəzinin direktoru İngilab Əhmədov öz çıxışında Açıq Büdcə Sorğusunun mahiyyətindən və detallarından bəhs etmişdir. Ekspertlər - Ukraynadan Volodimir Tarnay, Rusiyadan Andrey Alayev və Azərbaycandan Azər Mehtiyev sorğuda öz ölkələrinin göstəricələrindən və bu göstəricilərə təsir edən faktorlardan danışmışlar.

8 gün davam edən təlimdə iştirakçılar yerli və beynəlxalq ekspertlərin mövzuya dair təqdimatlarını dinləmiş, Dövlət Neft Fondunda olmuşlar.

Aprelin 5-də təlimin bağlanış mərasimində İsveçrənin Azərbaycandakı fövqəladə və səaliyyətli səfiri Philipp Stalder, Xəzər Univeritetinin rektoru Hassan Niknafs, Avrasiya Bilik Mərkəzinin direktoru İnqilab Əhmədov və NRGİ Avrasiya təmsilçisi Qalib Əfəndiyev çıxış etmiş, təlim müddətində əldə olunan bilik və təcrübənin ölkələrin rifahı naminə istifadə olunacağına inandıqlarını vurğulamışlar. Sonda iştirakçılara sertifikat təqdim olunmuşdur.