2018-ci il martın 30-da Bakı Şəhər Mədəniyyət və Turizm Baş İdarəsi Nizami Rayon Mərkəzləşdirilmiş Kitabxanalar Sisteminin Mərkəzi Kitabxanasının birgə təşkilatçılığı ilə kitabxananın akt zalında 31 Mart – Azərbaycanlıların Soyqırımı Gününə həsr olunmuş “Soyqırımı unutmayaq” adlı tədbir keçirildi. Tədbirdə Xəzər Universiteti Tarix və arxeologiya departamentinin müəllimi Xaqan Balayev, Təhsil fakültəsinin tələbələri, Xəzər rayonu 26 saylı, Nizami rayonu 12 saylı, Suraxanı rayonu 290 və 316 saylı orta məktəblərin şagirdləri iştirak edirdilər.

Tədbiri giriş sözü ilə kitabxananın direktoru Sevil Əliyeva açaraq, sözü tədbir iştirakçılarına verdi. Xəzər Universiteti Tarix və arxeologiya departamentinin müəllimi, siyasi elmlər üzrə fəlsəfə doktoru Xaqan Balayev, Nizami Rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Mürvət İbrahimov və hərbi jurnalist Şəmistan Nəzirlinin qanlı mart soyqırımı ilə bağlı məruzələri dinlənildi. Xəzər Universiteti tələbələrindən tarix ixtisasının IV kurs tələbəsi İlahə Yusiflinin çıxışı çox maraqla qarşılandı.

Tədbirdə məktəb şagirdləri ədəbiyyatımızda mart soyqırımına həsr olunmuş əsərlərdən şeir nümunələri söylədilər. Tədbirin sonunda xatirə şəkli çəkildi.