2018-ci il martın 30-da Xəzər Universitetində Erasmus+ “Universitetdə miqrasiya təhsilinin təşviqi” (PROMIG, 573554-EPP-1-2016-1-GE-EPPKA2-CBHE-JP) layihəsi çərçivəsində “Miqrasiyanın iqtisadi və sosial aspektləri: çağırışlar və miqrasiya siyasəti” mövzusunda İqtisadiyyat və menecment fakültəsi, Miqrasiya Araşdırmalar Mərkəzi və İnkişaf Mərkəzinin təşkilatçılığı ilə bir günlük seminar-təlim keçirildi. Alikante Universitetinin (İspaniya) əməkdaşları Dr.Oana Driha və Dr. Maria-Jemenez Delgado miqrasiya və iqtisadi inkişaf, miqrasiyanın sosial-mədəni aspektləri, miqrasiya və təhsil mövzularında təlimlər verdilər. Təlimdə Xəzər Universitetinin tələbələri və əməkdaşları ilə yanaşı, layihənin koordinatoru İvane Cavaxişvili Tbilisi Dövlət Universitetinin əməkdaşı Dr. Nino Parsadanişvili, Bakı Mühəndislik Universitetinin tələbə və əməkdaşları, Sumqayit Dövlət Universiteti və Naxçıvan Dövlət Universitetindən nümayəndələr, ADA Universitetinin tələbələri, Azərbaycan Respublikası Dövlət Miqrasiya Xidmətinin əməkdaşı və Beynəlxalq Miqrasiya Təşkilatının əməkdaşları iştirak edirdilər. Seminar-təlim, həmçinin, eyni adlı layihə haqqında məlumatın ölkəmizin ali təhsil müəssisələri arasında yayılması məqsədini daşıyır.

Sonda iştirakçılara sertifikatlar verildi.

Alikante Universitetinin əməkdaşları Dr.Oana Driha və Dr. Maria-Jemenez Delgado və layihənin koordinatoru İvane Cavaxişvili Tbilisi Dövlət Universitetinin əməkdaşı Dr. Nino Parsadanişvili Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı ilə görüşdülər və gələcək əməkdaşlıq haqqında müzakirələr apardılar.