2018-ci il martın 16-da Xəzər Universitetinin Tarix və arxeologiya departamentinin müəllimi Samirə Qarayevanın, departamentin əməkdaşı Akifə Cəfərlinin və Təhsil fakültəsinin tarix müəllimliyi ixtisasının 1-ci kurs tələbələrinin təşkilatçılığı ilə “Etnoqrafiya” dərsində Novruz bayramı keçirildi. Tələbələr Novruz bayramına həsr edilmiş təqdimat və videolar təqdim etdilər. Xəzər Universitetinin bəzi əcnəbi tələbələri də qonaq olaraq dəvət edilmişdilər. Bayram ənənələrinə uyğun bəzədilmiş süfrə arxasında tarix müəllimliyi ixtisasının 1-ci kurs tələbələri əcnəbi tələbələrə Novruz bayramının adət və ənənələri haqqında məlumat verdilər. Görüş çox xoş və səmimi keçdi.