2018-ci il martın 14-də Xəzər Universiteti Elektronika və telekommunikasiya departamentində Startup layihə qalibi olan “GSM-900 modulu ilə mobil telefona zəng xəbərdarlığı edən qaz sensoru” üzrə yekun texniki təqdimat keçirildi. Bu məhsul mikrokontrollerlə idarə olunan və məişət qaz iyinə həssas olan sensorlardan və GSM modulundan ibarət olub, onun köməyilə cib telefonlarına xəbərdarlıq göndərilir. Layihənin koordinatoru Elektronika və telekommunikasiya departmentinin müdiri Nuru Səfərovdur. Bu layihənin həyata keçirilməsində 3 nəfərlik komanda heyəti çalışmışdır: Muhəmməd Əlizadə (elektronika mühəndisliyi ixtisası), Adil Babayev (elektronika mühəndisliyi ixtisası), Ləman Seyfiyeva (fizika müəllimliyi ixtisası). Təqdimat uğurlu alınmışdır və yeni yaradılan cihaz sənaye və məişətdə istifadəyə yararlıdır. Siqnalizator Xəzər Universitetinin təmsil olunduğu sərgilərdə nümayiş oluna bilər. Həmçinin, onu biznes təklif olaraq, müəyyən maraqlı qurumlara təqdim etmək mümkündür.