2018-ci ilin fevralında Xəzər Universitetində 16 ixtisas üzrə ayrılmış 20 plan yeri üçün (12 dissertantura, 8 doktorantura) 30 namizəd rəqabət aparmış və onlardan 18 nəfəri bu özəl təhsil ocağında gələcək tədqiqat işlərini aparmaq üçün müvəffəq olmuşlar.

Departament müdirləri və komissiya üzvləri keçirdikləri müsahibələrdə obyektivliyi gözləmiş və ən yaxşı namizədləri seçməyə çalışmışlar. Namizədlər imtahan və müsahibələrdə dərin bilik və təcrübə nümayiş etdirmiş,”əla” və “yaxşı” qiymətlər almışlar.

Ən çox rəqabətli ixtisaslar “German dilləri” (1 doktorantura yerinə 4 nəfər) və “Təhsilin təşkili və planlaşdırılması” (1 doktorantura və bir dissertantura yerinə 10 nəfər) ixtisasları olmuşlar. İlk dəfə qəbul keçirilən “Müqayisəli-tarixi və müqayisəli-tipoloji dilçilik” və “Enerji texnologiyası” ixtisaslarına qəbul da rəqabətli şəraitdə keçmişdir.

Doktorantura və dissertanturaya qəbul olan namizədlərin təqribən 40%-i Avropa və Amerikanın müxtəlif məşhur universitetlərinin məzunlarıdır.

Fəlsəfə doktorluğu üzrə namizədlərimizə müvəffəqiyyətlər arzu edirik!