2018-ci il fevralın ayının 27-də Təhsil Nazirliyinin təşkilatçılığı ilə əcnəbi tələbələr üçün Şamaxı şəhərində “Azərbaycanlıların soyqırımı: yüz ilin yaddaşında” mövzusunda tədbir keçirilib. Bu tədbir Təhsil Nazirliyinin Azərbaycanın ali məktəblərində təhsil alan əcnəbilər tələbələr üçün təşkil olunan silsilə tədbirlərdən birincisi idi.

Tədbirdə təhsil nazirinin müavini Firudin Qurbanov, Şamaxı Rayon İcra Hakimiyyətinin başçısı Asif Ağayev, ictimaiyyət nümayəndələri, KİV təmsilçiləri, universitet nümayəndələri və əcnəbi tələbələr iştirak edib. Xəzər Universiteti Beynəlxalq Əlaqələr Şöbəsinin asssistenti Elxan Kasimov və universitetdə təhsil alan Zimbabve, Əfqanıstan və İndoneziyadan olan əcnəbi tələbələr tərəfindən təmsil olunmuşdur.

Tədbir iştirakçıları ilk öncə Şamaxı soyqırımı qurbanlarının xatirəsinə ucaldılmış abidəni ziyarət ediblər. Daha sonra tədbir iştirakçıları 1918-ci ildə Şamaxı soyqırımı zamanı ən böyük qırğınların törədildiyi Cümə məscidinə baş çəkiblər. Tədbir Şamaxı şəhəri İncəsənət Təhsili Mərkəzində davam etdirilib. Tədbir çərçivəsində əcnəbi tələbələr Azərbaycanın tarixi ilə yaxından tanış olmaq imkanını əldə etdilər.