2018-ci il martın 1-də Xəzər Universitetində universitetin təsisçisi, Direktorlar və Qəyyumlar Şurasının sədri professor Hamlet İsaxanlının 70 illik yubileyi qeyd edildi. Universitetin kollektivi “Xəzər”in Kamera orkestrinin müşayiəti ilə “Happy Birthday” mahnısını ifa edərək, yubilyarı toplantı salonunda alqışlarla qarşıladı.
Universitetin rektoru Dr. Hassan Niknafs Hamlet İsaxanlını kollektiv adından təbrik etdi. Tədris işləri üzrə prorektor professor Məhəmməd Nuriyev, İngilis dili və ədəbiyyatı departamentinin baş müəllimi Firəngiz Nəsirova, Tarix və arxeologiya departamentinin müdiri Roza Arazova, xalçaçılıq üzrə müəllim, rəssam Afaq Kərimova və digərləri çıxış edərək, yubilyara xoş arzularını çatdırdılar. Universitetin əməkdaşı Elxan Kasımov Hamlet İsaxanlıya həsr olunmuş şəxsi rəsm əsərini ona hədiyyə etdi.
Professor Hamlet İsaxanlı tədbir iştirakçılarına təşəkkürünü bildirdi.
Sonda xatirə şəkilləri çəkildi.