2018-ci il fevralın 21-də Qazaxıstanın Nazarbayev Universitetinin nümayəndələri ilə Xəzər Universitetində görüş keçirildi.
Nazarbayev Universitetini İctimai siyasət fakültəsinin dekanı Weng Tat Hui və marketinq meneceri Yulia Kaufman təmsil edirdilər. Xəzər Universitetindən rektor Dr. Hassan Hassan Niknafs, Tədris işləri üzrə prorektor professor Məhəmməd Nuriyev, Tədqiqat işləri üzrə prorektor İradə Xəlilova, Beynəlxalq əlaqələr şöbəsinin koordinatoru Günay Fərzəliyeva görüşdə iştirak edirdilər.
Görüş zamanı hər iki universitet arasında tələbə mübadiləsi, ikili dərəcə proqramlarının yaradılması, tədqiqat sahəsində əməkdaşlıq imkanları müzakirə edildi. Gələcək əməkdaşlığın əsasını qoymaq və ortaq maraq doğuran sahələrdə birgə işlər görmək üçün anlaşma memorandumunun imzalanması razılaşdırıldı.
Görüşün sonunda hər iki universitetin təbliğat materialları təqdim olundu.