2018-ci il fevralın 16-da Türkiyə Elm və Ədəbiyyat Əsərləri Sahiblərinin Peşə Birliyinin (İLESAM) Baş müdiri Mehmet Nuri Parmaksız və İLESAM-ın Azərbaycan üzrə nümayəndəsi, Azərbaycan Yazıçılar Birliyinin (AYB) Mətbuat katibi Xəyal Rza Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı başda olmaqla universitet rəhbərliyi ilə görüşdülər. 

Görüşdə rektor Hassan Niknafs, Tədris işləri üzrə prorektor Məhəmməd Nuriyev, İdarəetmə və tələbə işləri üzrə prorektor İsaxan İsaxanlı və Elmi işlər üzrə prorektor İradə Xəlilova iştirak edirdilər.

Görüşdə qarşılıqlı maraq doğuran məsələlər müzakirə olundu və əməkdaşlıq haqqında memorandum imzalandı.