Fevralın 1-də Xəzər Universitetinin İngilis dili və ədəbiyyatı departamentində filologiya üzrə fəlsəfə doktorluğuna namizədlər İlham Tağıyev və Milana Abbasova öz tədqiqat mövzuları üzrə (“İngilis yumorunun koqnitiv xüsusiyyətlərinin eksperimental tədqiqi”; “İngilis dilinin tədqiqinə sosiolinqvistik yanaşmada müasir tendensiyalar”; hər iki işin elmi rəhbəri - filologiya elmləri doktoru, professor Fəxrəddin Veysəlli) təqdimatla çıxış etmişlər.

Təqdimatda Xəzər Universitetinin rektoru, Dr. Hassan Niknafs, Tədris işləri üzrə prorektor, professor Məhəmməd Nuriyev, Elmi işlər üzrə prorektor Dr. İradə Xəlilova, Magistratura, doktorantura və elmi işlər bölməsinin müdiri Dr. Eldar Şahgəldiyev və departamentin əməkdaşları iştirak edirdilər. Hər iki təqdimat iştirakçılar tərəfindən maraqla dinlənilmişdir. Axırda təqdimatçılar iştirakçıların çoxsaylı suallarına cavab vermişlər.