2018-ci il yanvarın 31-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı NİZAMİ layihəsi (“Azərbaycanda doktorantura təhsilinin yenidən qurulması və inkişaf etdirilməsi”) çərçivəsində Fransanın Montpellier Universitetinin nümayəndələri - layihənin koordinatoru Dr. Véronique Barragan-Montero və layihənin meneceri Dr. Aude Berthier-lə görüşmüşdür. Görüşdə Xəzər Universitetinin Elmi işlər üzrə prorektoru dos. İradə Xəlilova və Magistratura, doktorantura və elmi işlər bölməsinin müdiri Dr. Eldar Şahgəldiyev iştirak etmişlər.

İştirakçılar Azərbaycanda Nizami layihəsi ilə bağlı həyata keçirilən tədbirlər, eləcə də Xəzər Universiteti və Montpellier Universiteti arasında gələcək əməkdaşlığın maraq doğuran cəhətlərini müzakirə etmişlər.

Qonaqlar Xəzər Universitetinin rektoru Dr. Hassan Niknafs ilə də görüşmüşlər.