2018-ci il yanvarın 25-də İngilis dili və ədəbiyyatı departamenti Marağa Azad Universitetinin (İran İslam Respublikası) gənc alimi Dr. Kuhi tərəfindən aparılan “Tədqiqat metodologiyası və xüsusi məqsədlər üçün ingilis dili (XMİ)” mövzusuna həsr olunmuş iki seminar keçirdi. Seminarlarda məlumatların toplanması və analizi, həmçinin XMİ tədrisində müasir yanaşmalar ətraflı müzakirə edildi. Dr. Kouhi tədqiqatlarla məşğul olan bəzi müəllimlərə öz tövsiyələrini verdi. Xəzər Universitetinin rektoru Dr. Hassan Niknafs çıxış edərək, tədbirin əhəmiyyətindən danışdı.

Seminarlarda İngilis dili və ədəbiyyatı fakültəsinin müəllimləri, həmçinin magistratura tələbələri (1-ci və 2-ci kurs, Tərcümə və Dilşünaslıq ixtisasları) iştirak etdilər. Seminara müxtəlif universitetlərdən olan tədqiqatçılar da qatılmışdılar. İki seminarda qeydiyyatdan keçmiş iştirakçılara sertifikatlar təqdim edildi.