2018-ci il yanvarın 12-də Xəzər Universitetinin Tarix və arxeologiya departamentində “Azərbaycan arxeologiyası” jurnalının redaksiya heyətinin iclası keçirildi. İclasda “Azərbaycan arxeologiyası” jurnalının 2018-ci il 1-ci sayının xüsusi buraxılışı üçün hazırlanan məqalələrin keyfiyyəti haqqında ətraflı müzakirələr olundu. Jurnalın daxilində aparılacaq yeniliklər müəyyənləşdirildi. İclasda “Azərbaycan arxeologiyası” jurnalının baş redaktoru tarix üzrə elmlər doktoru, professor Qüdrət İsmayılzadə, AMEA-nın Arxeologiya və Etnoqrafiya İnstitutunun şöbə müdiri t.ü.f.d Fərhad Quliyev, Tarix və arxeologiya departamentinin müdiri Roza Arazova, departamentin müəllimi Orxan Zamanov və assistenti Akifə Cəfərli iştirak etdilər.