Xəzər Universiteti Kimya departamentinin müəllimi Dr. Cestin Mandumpal Birləşmiş Krallığın Kral Kimya Cəmiyyətinin “Chartered Chemist status (CChem)” mükafatına layiq görülmüşdür. Dr. Mandumpal on il təşkilatın (Kimya elmlərinin ictimai təşviqatı platforması) üzvü olmuşdur.

“Chartered Status (CChem)” mükafatı kimya elmləri sahəsində bilik və peşəkarlığına görə praktik kimya ilə məşğul olan alimlərə verilir.

“CChem” mükafatı kimya elmlərində peşəkarlığı, mövcud biliklərin artırılması istiqamətində göstərilən qətiyyəti, alimlərin fəaliyyət göstərdiyi təşkilatın uğurlarına verdiyi tövhələri, eləcə də peşəkar dürüstlüyü və elmdə mükəmməlliyin artırılması cəhdlərini təqdir edən mükafatdır.

Dr. Mandumpal hazırda Materialların dizaynı və optimallaşdırılması üçün hesablama laboratoriyasına rəhbərlik edir.