2017-ci il dekabrın 22-də Xəzər Universiteti Psixologiya Departamenti və Xəzər Psixoloji Xidmət Mərkəzinin təşkilatçılığı ilə universitetimizdə “Beynimiz və oynadığı “oyunlar” adlı seminar baş tutdu. Seminarda Xəzər Universitetinin Psixologiya departamentinin müəllimi psixiatr Aygün İsgəndərova təqdimat etdi. Təqdimatda psixi pozuntular ilə əlaqədar olan miflər, psixi pozuntular zamanı beyində baş verən pozuntular, düşüncələrin əhval-ruhiyyəyə, duyğulara olan təsiri və düşüncə xətaları ilə əlaqədar ətraflı məlumat verildi. Xəzər Psixoloji Xidmət Mərkəzinin direktoru psixoloq Mələk Kərimova da cəmiyyətin psixi pozuntular zamanı pasiyentə düzgün yanaşılmasının əhəmiyyətini qeyd edərək, bu mövzuda maarifləndirilmənin zəruri olduğunu bildirdi.

Müzakirələrə səbəb ooaln seminarda iştirakçıların sualları ətraflı şəkildə cavablandırıldı.