2017-ci il dekabrın 22-si və 23-də Lənkəran Dövlət Universitetində (LDU) “Müasir dünyada inteqrasiya və elmin aktual problemləri” mövzusunda keçirilən Respublika Elmi Konfransında Xəzər Universitetini Təhsil fakültəsi Azərbaycan dili və ədəbiyyatı departamentinin müəllimləri dosent Elmira Məmmədova-Kekeç və Qardaşxan Əzizxanlı təmsil edirdilər. Konfransın “Dilçilik və ədəbiyyatşünaslıq” bölməsində E.Məmmədova-Kekeç “Türk xalqlarının “Vücudnamə” yaradıcılığında təzadlar”, Q.Əzizxanlı isə “Çağdaş Azərbaycan şeirində xalq arxetipi və xalq yaradıcılığı problemi” mövzularında çıxış etdilər.

Qeyd edək ki, konfransda respublikamızda fəaliyyət göstərən 26 ali təhsil müəssisəsinin, Azərbaycan Milli Elmlər Akademiyasının İnstitutlarının, Türkiyə Cümhuriyyətinin 2 universitetinin, 10 təşkilatın nümayəndə heyətləri iştirak edirdilər.