2017-ci il dekabrın 19-da Xəzər Universiteti Magistratura, Doktorantura və Elmi İşlər bölməsi dissertant Məhəmməd Əkbərovun “Platonun fəlsəfəsində qanun ideyası” adlı dissertasiya işinin ilkin müzakirəsini keçirdi. Müzakirədə Bakı Dövlət Universitetinin professoru Fərman İsmayılov, AMEA-nın Fəlsəfə İnstitutunun əməkdaşları professor Əlikram Tağıyev və f.ü.f.d. Şölət Zeynalov, Magistratura, Doktorantura və Elmi İşlər bölməsinin müdiri f.ü.f.d. Eldar Şahgəldiyev, Siyasi elm və beynəlxalq münasibətlər departamentinin müdiri s.ü.f.d. Elmar Mustafayev, Psixologiya departamentinin müdiri Mələk Kərimova, Humanitar və sosial elmlər fakültəsinin dekan müavini Validə Kərimova və başqaları iştirak edirdilər. Dissertant Məhəmməd Əkbərov öz təqdimatında Platonun fəlsəfəsində ədalət anlayışı və onun mahiyyəti məsələlərini ön plana çəkərək, dissertasiyanın əsas nəticələri ilə iştirakçıları tanış etdi.