Dekabrın 16-da Xəzər Universitetində hüquqşünas tələbələrin və məzunların konfransı keçirildi.
Beynəlxalq Vəkillər Assosiasiyasının, Xəzər Universitetinin Hüquq Tədris Mərkəzinin və müstəqil hüquqşünas Lalə Darçınovanın təşkilatçılığı ilə keçirilən konfransda tələbələr, peşəkar hüquqşünaslar, Azərbaycan Vəkillər Kollegiyasının üzvləri, Beynəlxalq Vəkillər Assosiasiyasının nümayəndələri və Böyük Britaniyanın London şəhərində yerləşən “Doughty Chambers”in vəkil üzvləri iştirak edirdilər.
Tədbiri Lalə Darçınova açaraq qeyd etdi ki, konfransın məqsədi gənc hüquqşünaslarla praktiki hüquqşünasları bir araya gətirərək, hüquq peşəsindəki mövcud problemlərdən, çətinliklərdən danışmaq və gənc hüquqşünasların düzgün ixtisaslaşmasına kömək etmək, onları gələcək peşə seçimində düzgün qərar verməkdə istiqamətləndirməkdir.
Konfransda Beynəlxalq Vəkillər Assosiasiyasının hüquqşünası Jurate Guzeviciute (London), müstəqil hüquqşünas Könül Qasımova, Marmara Universitetinin (Türkiyə) hüquq ixtisası üzrə magistr tələbəsi Elnur Kərimov və İtaliyanın Roma Universitetinin hüquq ixtisası üzrə magistr tələbəsi Nərmin Əbilova çıxış etdilər.
Konfrans müzakirələrlə davam edərək, işini başa çatdırdı.