2017-ci il dekabrın 16-da Xəzər Universiteti Psixologiya departamenti və Xəzər Psixoloji Xidmət Mərkəzinin təşkilatçılığı ilə universitetdə “Övladıma necə yanaşım? Mütəxəssis və valideynlərə dəstək” adlı seminar baş tutdu. Seminarı Xəzər Universitetinin Psixologiya departamentinin müəllimi psixoloq Kəmalə Əliyeva apardı. Seminarda uşaqlarla düzgün ünsiyyət qurma yolları və problemli davranışların aradan qaldırılma üsulları, ailə modellərinin uşaq şəxsiyyətinin inkişafına təsiri, bəzi ailə modellərin uşaqlarda ortaya çıxardığı psixoloji problemlər, uşaqlarda özünə inamın inkişafı üçün nələrə diqqət edilməsi mövzusu müzakirə edildi. Seminarda Xəzər Psixoloji Xidmət Mərkəzinin direktoru psixoloq Mələk Kərimova da cəmiyyətin bu mövzuda maarifləndirilməsinin zəruri olduğunu qeyd edərək, Kəmalə Əliyeva ilə bərabər, iştirakçıların suallarını cavablandırdı.