2017-ci il noyabrın 28-dən dekabrın 1-dək Ukraynanın paytaxtı Kiyev şəhərində şərq əlbəyaxa döyüş növlərindən olan uşu-sanda üzrə dünya çempionatı keçirildi. Çempionatda 80 kq çəki dərəcəsində ölkəmizi Xəzər Universiteti Humanitar və sosial elmlər fakültəsində tərcümə ixtisası üzrə təhsil alan 4-cü il tələbəsi Firidun Həsənov təmsil edirdi. Bütün rəqiblərinə qalib gələn Firidun Həsənov böyüklər arasında 1-ci yeri tutaraq, növbəti dəfə dünya çempionu adına layiq görüldü və qızıl medalla mükafatlandırıldı.
Qeyd etmək istərdik ki, Firidun Həsənov bundan əvvəl də Asiya, Avropa və dünya miqyaslı bir sıra yarışların qalibi olmuşdur.