2017-ci il dekabrın 1-dən 3-dək tarixlərində Türkiyənin Afyon şəhərində Türk Tarix Qurumu, Afyon Kocatepe Universiteti, Nəcməddin Erbakan Universiteti və İslam Tarixçiləri Dərnəyinin birgə təşkilatçılığı ilə “Uluslararası Orta Anadolu və Akdeniz Beylikleri Tarihi, Kültürü ve Medeniyeti Sempozyumu-IV, Sâhib Ataoğulları ve Turgutoğulları” adlı beynəlxalq simpoziumu təşkil edilmişdir. Azərbaycan, Türkiyə, Türkmənistan, Misir və digər ölkələrdən olan iştirakçılar arasında Xəzər Universiteti Dillər və mədəniyyətlər kafedrasının dosenti və koordinatoru f.ü.f.d. Zivər Hüseynli-Baylan həmin simpoziumda iştirak edirdi. Z.Hüseynli-Baylan “Turgutoğulları Safevi ilişkilerine dair inceleme (Farsça kaynaklar ışığında)” adlı məruzə ilə çıxış etdi. Zivər Hüseynli-Baylan habelə simpoziumun son günündə yekun və dəyərləndirmə bölümündə də çıxış etdi, simpoziumun gedişatı haqqında fikilərini bildirdi. Proqramın sonunda iştirakçılara sertifikat təqdim olundu.