Noyabrın 24-25-də Bakıda “Dünyamızın transformasiyası: Davamlı İnkişaf Məqsədlərinin inteqrasiyası və həyata keçirilməsinin təşviqində elmin rolu” mövzusunda beynəlxalq elmi konfrans keçirilmişdir. Konfrans BMT-nin Qlobal Saziş Layihəsi, Azərbaycan Həmkarlar İttifaqı Konfederasiyası və “Azərsu” ASC-nin dəstəyi ilə təşkil olunmuşdu.

Noyabrın 24-də konfransda fasilə zamanı Xəzər Universitetinin Kamera orkestri (bədii rəhbər universitetin Musiqi və incəsənət departamentinin müdiri, əməkdar müəllim, dosent, pianoçu Zülfiyyə Sadıqova) iştirakçılar üçün konsert vermişdir. Müslüm Maqomayev adına Dövlət Akademik Filarmoniyasınnı solisti, Xəzər Universitetinin müəllimi Məhsəti Cabbarova və Bakı Musiqi Akademiyasının tələbəsi Mahir Tağızadə Azərbaycan bəstəkarlarının əsərlərini ifa etmişlər.

Həmin gün konfrans iştirakçıları üçün tanınmış xalça rəssamı, Xəzər Universitetinin müəllimi Afaq Kərimova və gənc rəssam, rəssamlar ittifaqının üzvü Əfşan Əsədovanın yaradıcılıq sərgisi nümayiş etdirilmişdir.