2017-ci il noyabrın 27-də Xəzər Universitetində yerləşən Avrasiya Bilik Mərkəzi fəaliyyətində ilk dəfə olaraq pilot qaydada “Təbii resursla zəngin ölkələrdə gəlirlərin idarə edilməsi” mövzusunda çoxmərhələli kursun açılışını etdi. Kursda 6 ölkədən (Qazaxıstan, Qırğızıstan, Tacikistan, Ukrayna, Monqolustan və Azərbaycan) 22 dinləyici iştirak edir. Dinləyicilər əsasən dövlət qurumları, parlament, beynəlxalq maliyyə qurumları, akademiya, tədqiqat institutları və vətəndaş cəmiyyətini təmsil edir.
Dinləyicilər 9 gün ərzində resursla zəngin ölkələrdə gəlirlərin optimal idarəetməsini öyrənəcək, onların praktikada tətbiqi bacarıqlarına yiyələnəcəklər.
Məruzəçilər Xəzər Universitetinin, eləcə də, digər univeristetlərin bu sahədə tanınmış mütəxəssisləridir.