2017-ci il noyabrın 23-də Xəzər Universiteti PhD və Magistr Birliyi seminar təşkil etdi. Seminarın açılışını Xəzər Universitetinin Elmi işlər üzrə prorektoru dosent İradə Xəlilova etdi. O, yeni PhD və magistr tələbələri tədqiqat seminarlarında aktiv iştirak etməyə çağırdı. Seminarda universitetin Magistratura, doktorantura və elmi işlər şöbəsinin müdiri Dr. Eldar Şahgəldiyev dissertasiya, tezis və elmi məqalələrin yazılması qaydaları ilə əlaqədar çıxış etdi.

Seminarın ikinci hissəsində Bioloji elmlər departamentinin müəllimi Dr. Babək Əlibəyov elmi jurnal və konfranslara təqdim edilən xülasələrin keyfiyyətli yazılması qaydaları haqqında praktiki və nəzəri bilikləri təqdim etdi. Seminarda gənc alimlər, PhD və magistr tələbələr iştirak edirdilər. Seminar maraqlı müzakirələr ilə bitdi. Sonda bu seminardan qazanılan nəzəri biliklərin növbəti seminarda praktiki olaraq tətbiq edilməsi və müxtəlif ixtisasdan olan tədqiqatçıların qısa xülasə ilə çıxış edərək, xülasələrin uyğun kriteriyalarla hərtərəfli müzakirə edilməsi qərara alındı. Bu zaman ədəbiyyat siyahısının yaradılması və bunun üçün EndNote proqramından praktiki olaraq istifadə edilməsi məsləhət görüldü.

Xəzər Universitetinin rektoru Dr. Hassan Niknafs da seminarda iştirak edirdi.