2017-ci il noyabrın 16-da Xəzər Universiteti Beynəlxalq Əlaqələr Şöbəsi tərəfindən təşkil olunan Beynəlxalq Təhsil Həftəsi çərçivəsində növbəti tədbir keçirildi. Tədbirdə EducationUSA və British Council təşkilatlarının nümayəndələri iştirak edirdilər.

Bu sessiyasını keçirməkdə əsas məqsəd ABŞ və Böyük Britaniyada tələbələr üçün mövcud olan təhsil imkanları, mübadilə proqramları haqqında ətraflı məlumat vermək və yaranan sualları cavablandırmaq idi.

Məlumat sessiyası iki hissədən ibarət oldu. Birinci hissədə EducationUSA təşkilatının nümayəndəsi Ramilə Verdiyeva Amerika universitetlərinə qəbul prosesi, tələblər və digər vacib məqamlar haqqında danışdı.

Məlumat sessiyasının ikinci hissəsində isə British Council təşkilatının nümayəndəsi Cavid Quliyev Böyük Britaniyada təhsil haqqında ümumi məlumat verdi və təşkilat tərəfindən həyata keçirilən və Britaniya universitetlərinə qəbul zamanı əsas şərtlərdən biri kimi tələb olunan IELTS beynəlxalq dil imtahanı haqqında geniş danışdı. Nümayəndə, həmçinin, təşkilatın həyata keçirdiyi digər professional imtahanlar haqqında da məlumat verdi.

Tədbirin sonunda hər iki təşkilatın təbliğat materialları paylanıldı. Tədbir sual-cavab sessiyası ilə sona çatdı.