2017-ci il noyabrın 7-də Xəzər StartUp layihəsinin üçüncü mərhələsi başa çatdı. Qiymətləndirmə komissiyası geniş tərkibdə bütün iştirakçıların təkliflərini ətraflı müzakirə edərək, təqdim olunan layihələri üç meyar (orijinallıq, aktuallıq və tətbiqinin reallığı) üzrə qiymətləndirdi. Komissiyanın yekun qərarına əsasən aşağıda göstərilən iştirakçılar müvafiq yerləri qazandılar:

Birinci yer: Məhəmməd Əlizadə, Xəzər Universiteti, Elektronika, Telekommunikasiya və Radiotexnika ixtisasının tələbəsi.

–İdeya: Hazırkı dünyada istifadə olunan qaz sensorlarından fərqli olaraq, GSM900 modulu ilə mobil telefona zəng xəbərdarlığı edən qaz sensorunun yaradılmasını nəzərdə tutur.

İkinci yer: Vladislav Pristinski, Xəzər Universiteti, MBA tələbəsi.

–İdeya: İnsanlara alış-verişdə yeni orijinal sosial məsləhətçi olan Faşayzerin (Fashiser) yaradılmasını nəzərdə tutur.

Üçüncü yer: Aydın Səlimli, Xəzər Universiteti, Turizm və otelçilik ixisasının tələbəsi.

–İdeya: Tətbiqi və reallaşdırılması rahat olan, ikinci əl kitabların onlayn alış-veriş ehtiyacını qarşılayan secondbook.az veb saytının hazırlanmasını nəzərdə tutur.