2017-ci il noyabrın 1-də Neft Mühəndisləri Cəmiyyətinin Azərbaycan bölməsinin (SPE-Azerbaijan Section) 2016-2017-ci illər üçün olan illik icmalı yayımlanmışdır. İllik icmalda SPE-Azərbaycan bölməsinə aid məsələlərin əhatə olunması ilə yanaşı, Xəzər Universitetinin “eiLink” adlı tədqiqat və inkişaf mərkəzi, SPE-Azərbaycan bölməsi ilə sıx əlaqə saxlayan tələbələr və onların həyata keçirdikləri layihələr barədə mövzular işıqlandırılmışdır.

İcmalın sonunda Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının Xəzər Universiteti və SPE-Azərbaycan bölməsi arasındakı əməkdaşlıq haqqında fikirləri də yer almışdır.

Xəzər Universitetinin tədqiqat və inkişaf mərkəzi haqqındakı məqalə və Prof. Hamlet İsaxanlının qısa nitqi ilə verilmiş PDF faylında tanış ola bilərsiniz.