2017-ci il noyabrın 3-də Xəzər Universitetində Dünya Tək Sağlamlıq Gününə həsr edilmiş Simpozium Dünya Tək Sağlamlıq Komissiyasının rəsmi veb və Facebook səhifələrində də işıqlandırılmışdır. Qısaca olaraq, Dünya Tək Sağlamlıq Komissiyası insanlar, ev heyvanları, çöl həyatı, bitkilər və ümumilikdə, ətraf mühitin sağlamlığına nail olunmasına həsr olunmuş qlobal yönümlü bir təşkilatdır. Bu təşkilat ilk dəfə 1997-ci ilin aprelində Amerikanın Tibbi Veterinarlar Assosiasiyasının bir qrup alimləri tərəfindən yaradılmışdır. 2009-cu ildə təşkilatın qərargahı Vaşinqton şəhərinə köçürülmüş, 2010-cu ildə isə Amerikanın Ayova Dövlət Universiteti Dünya Tək Sağlamlıq Komissiyasının əsas tərəfdaşına çevrilmişdir. Hazırda dünyanın əksər ölkələrindən Dünya Tək Sağlamlıq Komissiyasına qoşulmuş çoxlu sayda üzvlər vardır. Xəzər Universitetində noyabrın 3-də keçirilmiş Dünya Tək Sağlamlıq Simpoziumu ilə paralel olaraq, eyni anda dünyanın 35 ölkəsində 101 tədbir və simpoziumlar (xəritədə qeyd edilmişdir) keçirilmişdir.
Bunu aşağıdakı link vasitəsilə izləmək olar:
https://www.facebook.com/onehealthday/?hc_ref=ARSZ9w8678rGhavF5-FnrkC7AsBOBzt6f9VdDq7khh595GB17jxoAdHION9JsgsdzEL0&fref=nf.