Xəzər Universiteti İqtisadiyyat və menecment fakültəsinin dekan müavini, Dr. Şəhriyar Muxtarovun “Does Urbanization Boost Pollution From Transport?” adlı məqaləsi Mendulu Universitetinin “Acta Universitatis Agriculturae et Silviculturae Mendelianae Brunensis” jurnalının 2017-ci il 5-ci sayı, 65-ci buraxılışında çap edilmişdir. Sözü gedən jurnal SCOPUS (Elsevier B. V.) və Zoological Record (Thomson Scientific, Inc.) kimi nüfuzlu məlumat bazalarında indekslənir.

Məqalədə Azərbaycanda 1990-2014-cü illər dövrü üçün urbanizasiyanın, enerji istehlakı və iqtisadi inkişafın avtomobil nəqliyyat sektorundan atmosfer çirklənməsinə təsirləri STIRPAT modeli çərçivəsində qiymətləndirilmişdir. Məqalə nəticələri dəyişənlər arasında urbanizasyanın çirklənmə üzərində ən böyük təsirə malik olduğunu ortaya çıxarmışdır. Tədqiqat nəticələri bir daha göstərmişdir ki, davamlı inkişafa ancaq ətraf mühit, sosial və iqtisadi amillər arasındakı tarazlığın qorunması ilə nail olmaq mümkündür.

Məqaləni bu link vasitəsilə oxumaq olar:

https://acta.mendelu.cz/65/5/1709/.