2017-ci il oktyabrın 24-də Xəzər Universiteti Tarix və arxeologiya departamentinin təşəbbüsü ilə Təhsil fakültəsi tarix müəllimliyi və ibtidai sinif müəllimliyi tələbələrinin “Qədim Şərq tarixi” dərsinə İstanbuldakı Alman Arxeologiya İnstitutunda Anadolu arxelogiyası və tarix öncəsi mədəniyyət sahələrində müəllim və Boğazköy-Hatuşa arxeoloji qazıntısının direktoru Andreas Schacner dəvət edildi. Görüşdə Xəzər Universitetinin rektoru Hassan Niknafs, İctimai əlaqələr və media üzrə direktor Əlövsət Əmirbəyli, Tarix və arxeologiya departamentinin müdiri dosent Roza Arazova, müəllim Orxan Zamanov, AMEA Arxeologiya və Etnoqrafiya İnsititutunun elmi işçisi Ülviyyə Heydərova iştirak etdilər. Görüşü Roza Arazova açaraq, tələbələrə Andreas Schacneri təqdim etdi. Andreas Schacner tələbələrə Hititlərin paytaxı Hattuşa haqqında geniş məlumat verdi. Onun Hititlərin paytaxı Hatuşa haqqında göstərdiyi təqdimat tələbələrin böyük marağına səbəb oldu.

Təqdimatın sonunda Andreas Schacner tələbələrin suallarına cavab verdi. Sonda Roza Arazova qonağa Xəzər Universitetinin hədiyyəsini təqdim etdi və xatirə şəkili çəkildi.